ಹಲವಾರು ವರ್ಷಗಳಿಂದ ಪೋಷಕ ನಟಿಯಾಗಿ ಗುರುತಿಸಿಕೊಂಡಿರುವ ಕಿಶೋರಿ ಬಲ್ಲಾಳ್ ಇಂದು ನಿಧನರಾದರು.
ಪಂಡರೀಬಾಯಿಯವರ ಬಳಿಕ ತಾಯಿ ಪಾತ್ರದಲ್ಲಿ ಆ ಸ್ಥಾನವನ್ನು ತುಂಬಿದ ನಟಿಯಂತೆ ಕಾಣಿಸುತ್ತಿದ್ದ ಕಿಶೋರಿ ಬಲ್ಲಾಳ್ ಮೂಲತಃ ಮಂಗಳೂರಿನವರು. ‘ಯಾವ ಜನ್ಮದ ಮೈತ್ರಿಯೋ’ ಧಾರಾವಾಹಿ ಮೂಲಕ ಮಾತ್ರವಲ್ಲ, ಸ್ವದೇಸ್ ಚಿತ್ರದಲ್ಲಿ ಶಾರುಖ್ ಖಾನ್ ಜತೆಗೆ ನಟಿಸಿ ಕಿಶೋರಿ ಬಲ್ಲಾಳ್ ಜನಪ್ರಿಯರಾಗಿದ್ದರು. ಅವರು ಅಭಿನಯಿಸಿರುವ ಧಾರಾವಾಹಿಗಳು ಕೂಡ ಜನಮನಗೆದ್ದಿತ್ತು.
ಬೆಂಗಳೂರಲ್ಲಿ ವಾಸವಾಗಿದ್ದ ಕಿಶೋರಿಯವರು ಒಂದಷ್ಟು ಸಮಯದಿಂದ ಇಳಿ ವಯಸ್ಸಿನ ಸಹಜ ಅನಾರೋಗ್ಯದಲ್ಲಿದ್ದರು. ಇಂದು ಬೆಳಿಗ್ಗೆ ಉಸಿರಾಟದ ತೊಂದರೆಯಿಂದ ನಿಧನಾಗಿರುವುದಾಗಿ ತಿಳಿದು ಬಂದಿದೆ.
