ಆನಂದ ಸಂಕೇಶ್ವರರವರು ‘ವಿ ಆರ್ ಎಲ್ ಫಿಲಂ ಪ್ರೊಡಕ್ಷನ್ಸ್’ ಸಂಸ್ಥೆಯಡಿಯಲ್ಲಿ ನಿರ್ಮಿಸುತ್ತಿರುವ ‘ವಿಜಯಾನಂದ’ ಚಲನಚಿತ್ರದಲ್ಲಿ ಕನ್ನಡದ ಖ್ಯಾತ ನಟರಾದ ಅನಂತ ನಾಗ್ ರವರ ಪಾತ್ರ ಪರಿಚಯದ
ಟೀಸರ್ ಬಿಡುಗಡೆಯಾಗಿದೆ.
ವಿಜಯಾನಂದ ಎನ್ನುವುದು ವಿಜಯ ಸಂಕೇಶ್ವರ್ ಅವರ ಜೀವನದ ಕತೆ ಎಂದು ಈಗಾಗಲೇ ಎಲ್ಲರಿಗೂ ತಿಳಿದಿರುವ ವಿಚಾರ. ರಿಷಿಕಾ ಶರ್ಮ ನಿರ್ದೇಶನದ ಈ ಚಿತ್ರದಲ್ಲಿ ಸಂಕೇಶ್ವರ್ ತಂದೆಯ ಪಾತ್ರ ಯಾರು ಮಾಡುತ್ತಾರೆ ಎನ್ನುವುದಕ್ಕೆ ಉತ್ತರ ಇವತ್ತು ಹೊರಗೆ ಬಂದಿದೆ. ಇಂದು ಹಿರಿಯ ನಟರಾದ ಅನಂತ ನಾಗ್ ರವರು ತಮ್ಮ 73ನೆಯ ಜನ್ಮದಿನವನ್ನು ಆಚರಿಸಿಕೊಂಡಿದ್ದಾರೆ. ಅದರ ಸಂಭ್ರಮದ ಸಂಕೇತವಾಗಿ ವಿ ಆರ್ ಎಲ್ ಫಿಲಂ ಪ್ರೊಡಕ್ಷನ್ಸ್ ವಿಜಯ ಸಂಕೇಶ್ವರ್ ರವರ ತಂದೆ ಬಿ ಜಿ ಸಂಕೇಶ್ವರ್ ರವರ ಪಾತ್ರದಲ್ಲಿ ನಟಿಸುತ್ತಿರುವ ಅನಂತ ನಾಗ್ ರವರ ಪಾತ್ರ ಪರಿಚಯವನ್ನು ಫಸ್ಟ್ ಲುಕ್ ಟೀಸರ್ ಮೂಲಕ ಬಿಡುಗಡೆ ಮಾಡಿದೆ.
