ಆರ್ ಚಂದ್ರು ಮೊದಲಬಾರಿಗೆ ನಿರ್ದೇಶಕರಾಗಿ ಗುರುತಿಸಿಕೊಂಡ ಸಿನಿಮಾ ‘ತಾಜಮಹಲ್’. ಇದೀಗ ಶ್ರೀ ಗಂಗಾಂಬಿಕೆ ಎಂಟರ್ಪ್ರೈಸಸ್ ಸಂಸ್ಥೆಯಿಂದ ನಿರ್ಮಾಣವಾಗುತ್ತಿರುವ ನೂತನ ಚಿತ್ರದ ಹೆಸರು ‘ತಾಜಮಹಲ್ 2’ ಎನ್ನುವುದಾಗಿದೆ. ಆದರೆ ಚಿತ್ರದ ನಿರ್ದೇಶಕರು ಮಾತ್ರ ದೇವರಾಜ್ ಕುಮಾರ್.
ಈ ಹಿಂದೆ ದೇವರಾಜ ಕುಮಾರ್ ಅವರು ‘ಡೇಂಜರ್ ಜೋನ್’, ‘ನಿಶ್ಶಬ್ದ 2’ ಹಾಗೂ ‘ಅನುಷ್ಕಾ’ ಎನ್ನುವ ಚಿತ್ರಗಳ ನಿರ್ದೇಶನ ಮಾಡಿದ್ದರು. ಇದೀಗ ‘ತಾಜ್ ಮಹಲ್ -2’ ನಿರ್ದೇಶನದೊಂದಿಗೆ, ನಾಯಕನಟನಾಗಿಯೂ ಅಭಿನಯಿಸಿದ್ದಾರೆ. ಕಥೆ, ಚಿತ್ರಕಥೆಯನ್ನೂ ದೇವರಾಜ್ ಕುಮಾರ್ ಅವರೇ ಬರೆದಿರುವುದು ವಿಶೇಷ.
ದೇವರಾಜ್ ಕುಮಾರ್ ನಾಯಕಿಯಾಗಿ ಸಮೃದ್ದಿ ಶುಕ್ಲ ಎನ್ನುವ ನವನಟಿಯ ಆಗಮನವಾಗಿದೆ. ಚಿತ್ರದ ಕಥಾವಸ್ತು ವಿಶೇಷತೆಯಿಂದ ಕೂಡಿದ್ದು ಸಂಪೂರ್ಣ ಚಿತ್ರೀಕರಣ ಸಕಲೇಶಪುರ, ಗಗನಚುಕ್ಕಿ ಬರಚುಕ್ಕಿ ಮೊದಲಾದೆಡೆಗಳಲ್ಲಿ 65ದಿನಗಳ ಕಾಲ ನಡದಿದೆ.
ವೀನಸ್ ಮೂರ್ತಿ ಛಾಯಾಗ್ರಹಣ,
ವಿಕ್ರಂ ಸೆಲ್ವ ಸಂಗೀತ ನಿರ್ದೇಶನ,
ಮನವಸಿ೯ ನವಲಗುಂದ ಸಾಹಿತ್ಯ, ಸಂಭಾಷಣೆ, ಚಂದ್ರು ಬಂಡೆ ಸಾಹಸ ನಿರ್ದೇಶನ, ವಿಜಯ್ ಸಂಕಲನ ಹಾಗೂ ಬಿ.ಧನಂಜಯ್ ಅವರ ನೃತ್ಯ ನಿರ್ದೇಶನ ಈ ಚಿತ್ರಕ್ಕಿದೆ.
ನಿರ್ದೇಶಕ ಆರ್ ಚಂದ್ರು ತಮಗೆ ಬೆಂಬಲ ನೀಡಿರುವುದಕ್ಕೆ ಖುಷಿಯಾಗಿದೆ ಎಂದಿರುವ ದೇವರಾಜ್ ಕುಮಾರ್ ಸದ್ಯದಲ್ಲೇ ಚಿತ್ರದ ಟ್ರೇಲರ್ ಬಿಡುಗಡೆ ಮಾಡಲಿರುವುದಾಗಿ ಹೇಳಿದ್ದಾರೆ.
