ಅವಿನಾಶ್, ಆಶೋಕ್, ರಚನಾ, ದ್ರವ್ಯ ಶೆಟ್ಟಿ ಮೊದಲಾದವರು ಪ್ರಧಾನ ಪಾತ್ರಗಳಲ್ಲಿರುವ ‘ಅಘೋರ’ ಸಿನಿಮಾ ಮಾರ್ಚ್ 4ರಂದು ಶುಕ್ರವಾರ ತೆರೆಕಂಡಿದೆ. ಪ್ರಮೋದ್ ರಾಜ್ ನಿರ್ದೇಶನದ ಈ ಸಿನಿಮಾವನ್ನು ಪುನೀತ್ ಗೌಡ ನಿರ್ಮಿಸಿ ನಟಿಸಿದ್ದಾರೆ.
ಗಾಂಧಿನಗರದಲ್ಲಿ ಸಿನಿಮಾ ನೋಡಿದ ಸೆಲೆಬ್ರಿಟಿ ಮತ್ತು ಸಾರ್ವಜನಿಕರು ಚಿತ್ರಕ್ಕೆ ನೀಡಿದ ಪ್ರತಿಕ್ರಿಯೆ ಇಲ್ಲಿದೆ.
ಇದೊಂದು ಥ್ರಿಲ್ಲರ್ ಹಾರರ್ ಮೂವಿ ಅಂತಾನೇ ಹೇಳಬಹುದು. ಅವಿನಾಶ್ ಸರ್ ಅದ್ಭುತವಾಗಿ ಮಾಡಿದ್ದಾರೆ. ಹಾರರ್ ಸಿನಿಮಾಗೆ ಬಿಜಿಎಮ್ ಮುಖ್ಯವಾಗುತ್ತೆ. ಕ್ಯಾಮೆರಾ ವರ್ಕ್ ಕೂಡ ಅಷ್ಟೇ ಮುಖ್ಯ. ಈ ಚಿತ್ರದಲ್ಲಿ ಅವೆರಡೂ ತುಂಬಾ ಚೆನ್ನಾಗಿದೆ. ಪ್ರತಿಯೊಬ್ಬ ಕಲಾವಿದರು ತುಂಬ ಚೆನ್ನಾಗಿ ಪರ್ಫಾರ್ಮ್ ಮಾಡಿದ್ದಾರೆ. ಚಿತ್ರದ ನಾಲ್ಕು ಪ್ರಮುಖ ಪಾತ್ರಗಳನ್ನು ಮಾಡಿರುವವರು ನ್ಯಾಯ ನೀಡುವಂತೆ ನಟಿಸಿದ್ದಾರೆ.
–ಧರ್ಮಕೀರ್ತಿ, ನಟ
ಅಘೋರ ಸಿನಿಮಾ ಒಂದು ಹೊಸ ಪ್ರಯೋಗ. ತುಂಬ ಚೆನ್ನಾಗಿ ಹೆದರಿಸಿದ್ದಾರೆ. ನೋಡೋಕೆ ಭಯಾನೂ ಆಗುತ್ತೆ!
–ಜಿಮ್ ರವಿ , ನಟ
ಈಗಾಗಲೇ ಮೂರು ಬಾರಿ ಚಿತ್ರ ನೋಡಿದ್ದೇನೆ. ಆದರೆ ಪ್ರೇಕ್ಷಕರ ಜೊತೆಗೆ ನೋಡುವಾಗ ಅವರ ಎಕ್ಸೈಟ್ಮೆಂಟ್ ಗೊತ್ತಾಗುತ್ತದೆ. ಅದನ್ನು ಗಮನಿಸಿಕೊಂಡು ಸಿನಿಮಾ ನೋಡುವುದು ಖುಷಿಯಾಗುತ್ತದೆ. ನಮ್ಮ ಚಿತ್ರದ ನಿರ್ದೇಶಕರು ನೃತ್ಯ ನಿರ್ದೇಶಕರಾಗಿದ್ದವರು. ಈಗ ನಿರ್ದೇಶಕರಾಗಿದ್ದಾರೆ.
–ದ್ರವ್ಯ ಶೆಟ್ಟಿ, ‘ಅಘೋರ’ ನಾಯಕಿ
ಹಾರರ್ ಮೂವಿ ಸಕತ್ ಆಗಿತ್ತು. ಪಾತ್ರಗಳು ಹಾರರ್ ಆಟಿಟ್ಯೂಡ್ ವ್ಯಕ್ತಪಡಿಸಿರುವ ರೀತಿ ಆಕರ್ಷಕವಾಗಿತ್ತು. ದ್ರವ್ಯ ಜೊತೆಗೆ ನಾನು ಕೂಡ ಈ ಹಿಂದೆ ಒಂದು ಹಾರರ್ ಮೂವಿ ಮಾಡಿದ್ದೆ. ಆದರೆ ಇಲ್ಲಿ ಅದಕ್ಕಿಂತಲೂ ಅದ್ಭುತವಾದ ಎಫೆಕ್ಸ್ಟ್ ಕಾಣಿಸಿದೆ. ಹೊಸಬರ ತಂಡದ ಚಿತ್ರ ಎಂದು ನಂಬಲಾಗದಷ್ಟು ಚೆನ್ನಾಗಿ ಕ್ಯಾಮೆರಾ ವರ್ಕ್ ಇದೆ. ಪಾರ್ಟ್ ಎರಡರ ನಿರೀಕ್ಷೆ ಇದೆ.
–ಸೋನು ಪಾಟೀಲ್, ನಟಿ
ಚೆನ್ನಾಗಿ ಮಾಡಿದ್ದಾರೆ. ಸ್ಪೆಷಲಿ ರಚನಾ, ದ್ರವ್ಯಾ, ಅಶೋಕ್ ಕೂಡ ಚೆನ್ನಾಗಿ ಮಾಡಿದ್ದಾರೆ. ಸೆಕೆಂಡ್ ಹಾಫ್ ತುಂಬ ಚೆನ್ನಾಗಿತ್ತು. ಪ್ರತಿಕ್ಷಣ ಮುಂದೇನಾಗುತ್ತೆ ಅನ್ನೋ ಕುತೂಹಲ ಇತ್ತು. ಟೆಕ್ನಿಕಲಿ ಸೂಪರ್ ಆಗಿದೆ. ದೆವ್ವ ಮತ್ತು ಅಘೋರಿ ಪಾತ್ರ ಚಿತ್ರದ ಹೈಲೈಟ್.
–ಮೊದಲ ದಿನ ಚಿತ್ರ ನೋಡಿದ ಪ್ರೇಕ್ಷಕ
